خوێندن:

2005: بەکالۆریۆس لە ئەندازیاری شارستانی لە زانکۆی سلێمانی.

میدیا:

شاسوار عەبدولواحید ساڵی 2010 کۆمپانیای نالیای بۆ ڕاگەیاندن دامەزراند کە خاوەندارێتی کەناڵی NRT دەکات و لە شوباتی 2011 دەستی بە پەخش کرد. جگە لە کەناڵی NRT، لەئێستادا کۆمپانیای نالیا بۆ ڕاگەیاندن خاوەندارێتی رادیۆی نالیا ئێف ئێم و ژمارەیەک کەناڵی دیکەی تەلەفزیۆن دەکات کە بریتین لە کەناڵەکانی (NRT2, NRT3, NRT4 و NRT Sport) کە سەرجەمیان میدیای دیجیتاڵی خۆیان هەیە.

زمان:

کوردی (زمانی دایک)، عەرەبی، ئینگلیزی ، فارسی ، ئەڵمانی

گرنگترین روداوەکانی ژیانی:

مانگی شەشی 2007: گروپی کۆمپانیاکانی نالیای بۆ وەبەرهێنانی خانووبەرە لە سلێمانی دامەزراند و دەستی کرد بە پەرەپێدانی کۆمەڵگەیەکی نیشتەجێبوون بەناوی گوندی ئەڵمانی.

17ی شوباتی 2011: تەنها چەند ڕۆژێک دوای خستنەگەڕی کەناڵی ئێن ئاڕ تی، لە لایەن هێزێکی چەکداری دەمامکدارەوە هەڵکودەکوترێتە سەر ئۆفیسی سەرەکی کەناڵەکە لە سلێمانی و دەسوتێنرێت.

ئەمەش دوای ئەوەی کەناڵەکە بە شێوەیەکی بەرفراوان ڕوماڵی خۆپیشاندانەکانی 17ی شوباتی کردبوو، کە تێیدا ژمارەیەک خۆپیشاندەر کوژران و برینداربوون.

26ی 10ی 2013: لە هەوڵێکی تیرۆرکردن ڕزگاری بوو (بەڵام فیشەکێک بەر قاچی کەوت)لەکاتێکدا لەناو ئۆتۆمبێلەکەیدا بوو لە نزیک ماڵەکەی لە گوندی ئەڵمانی، سلێمانی، کە وەک دەرکەوت تەقەکردنەکە پاڵنەرێکی سیاسیی لەپشتەوە بوو.

25ی حەوتی 2017: دوو مانگ پێش ڕیفراندۆم، جوڵانەوەی "نەخێر لەئێستا" ی راگەیاند.

25ی ئەیلولی 2017: لە ڕیفراندۆمدا دەنگ لە دژی ریفراندۆم دەدات و بە "ڕۆژێکی مێژوویی بۆ تۆمارکردنی دژایەتی لەگەڵ سیستەمی ئێستای حوکمڕانی کوردی" ناودەبات.

1ی دەی 2017: جوڵانەوەیەکی سیاسی نوێ بەناوی "نه‌وه‌ی نوێ" ڕادەگەیەنێت و ئاشکرای دەکات له‌ ساڵی 2018 له‌ هه‌ڵبژاردنی په‌رله‌مانی کوردستاندا بەشداری ده‌كات.

5ی دەی 2017: ڕایدەگەیەنێت کە واز لە کارە بازرگانیەکانی دێنێت بۆ ئەوەی "ژیان و سامانم بۆ دۆزی گەورەتر تەرخان بکەم: وڵاتێکی ئاوەدان و ئارام".

19ی 12ی 2017: لە کاتی گەڕانەوەی لە بەریتانیا لە فڕۆکەخانەی سلێمانی دەستگیر دەکرێت بە تۆمەتی تێوەگلانی لە "ڕێکخستن و هاندانی خەڵک بۆ دەربڕینی ناڕەزایەتی" لە خۆپیشاندانەکانی دژی حکومەت لە سلێمانی.

26ی 12ی 2017: دوای یەک هەفتە دەستبەسەرکردن بە کەفالەت ئازادکرا.

12ی 5ی 2018: جوڵانەوەی نەوەی نوێ لە هەڵبژاردنی پەرلەمانی عێراقدا بەشداری دەکات و چوار کورسی بەدەست دێنێت.

22ی حەوتی 2018: هێزە ئەمنییەکانی پارتی دیموکراتی کوردستان هەڵدەکوتنە سەر ئۆفیسی هەولێری نەوەی نوێ.

30ی 9ی 2018: لە هەڵبژاردنی پەرلەمانی كوردستان، نەوەی نوێ توانی هەشت کورسی مسۆگەر بکات، بەمەش دەبێتە گەورەترین گروپی ئۆپۆزسیۆن لە پەرلەمانی کوردستان کە 111 کورسی تێدایە.

16ی پێنجی 2019: شاسوار عەبدولواحید لەگەڵ 11 خۆبەخشی تری جوڵانەوەکە بە تۆمەتی خراپ بەکارهێنانی یاسای ئامێرەکانی پەیوەندی دەستبەسەر کرا. بەهۆی نەبوونی بەڵگەوە تا ئێستا دۆسیەکە یەکلایی نەکراوەتەوە. وە چەندین فەرمانی دەستگیرکردنی تری بۆ دەرچووە لە دوای ڕاگەیاندندنی جوڵانەوەکە.

30ی پێنجی 2019: دوای دوو هەفتە لە زیندانێکی سلێمانی بە تۆمەتی خراپ بەکارهێنانی تەکنەلۆژیای مۆبایل بە کەفالەت ئازاد کرا.

5ی دەی 2019: لە دووەمیم کۆنگرەی جوڵانەوەی نەوەی نوێ لە سلێمانی وەک سەرۆکی جوڵانەوەکە هەڵبژێردرایەوە.

6ی یەکی 2020: پشتگیری لە مانەوەی هێزەکانی ئەمریکا و هاوپەیمانان دەکات لە عێراق دوای ئەوەی پەرلەمانی عێراق بڕیارێکی ناپابەندکەری دەرکرد کە داوای لە حکومەتی فیدراڵی کرد داوای کشانەوە لە هێزە بیانییەکان بکات.

22ی شوباتی 2020: بەشداری خۆپیشاندانی ناڕەزایی دژی حکومەت دەکات لە سلێمانی کە تیایدا بەڵێن دەدات خۆپیشاندانی فراوانتر ڕێکبخات.

3ی پێنجی 2020: "نەخشەڕێگا"ی جوڵانەوەی نەوەی نوێ بۆ چارەسەرکردنی قەیرانە دارایی و کارگێڕییەکان و مووچەی کرێکارانی کەرتی گشتی دەخاتە ڕوو.

22ی شەشی 2020: داواکاری گشتی لە هەرێمی کوردستان داوای داخستنی "هەمیشەیی" کەناڵەکانی ئێن ئاڕ تیی سەر بە ئۆپۆزسیۆن دەکات، بە زمانی کوردی و عەرەبی، بەهۆی ڕووماڵکردنیان بۆ پەتای کۆرۆنا.

12 هەشتی 2020: بەشداری لە خۆپیشاندانەکانی سلێمانی دەکات ئەمەش دوای ئەوەی سێ رۆژ پێشتر داوای هەڵوەشاندنەوەی حکومەتی هەرێمی کردبوو. لە خۆپیشاندانەکاندا چەندین کەس دەستگیرکران لەنێویاندا ئەندامانی نەوەی نوێ و ڕۆژنامەنوس هەبوون.

10ی 10ی 2021: نەوەی نوێ 9 کورسی لە هەڵبژاردنی پێشوەختەی پەرلەمانی عێراقدا بەدەستهێنا (پێنج کورسی لە سلێمانی؛ سێ لە هەولێر و یەکێکیان لە کەرکوک) ئەمەش وای لێدەکات ببێتە سێیەم گەورەترین پارتی کوردی لە بەغدا. وەهروەها دووەم گەورەترین پارتی کوردی لەروی ژمارەی دەنگەوە لە سنوری ئیدارەی هەرێمی کوردستان.

15ی یەکی 2022: جوڵانەوەی نەوەی نوێ لەگەڵ بزووتنەوەی (ئیمتیداد) و پەرلەمانتارە سەربەخۆکانی دیکە، هاوپەیمانیەکی ئۆپۆزسیۆنی ٢٨ کەسی لە پەرلەمانی عێراق پێکدەهێنێت بەناوی هاوپەیمانی لەپێناوی خەڵک و شاسوار عەبدولواحید دەبێتە سەرۆکی هاوپەیمانێتیەکە.

16ی شوباتی 2022: شاسوار عەبدولواحید وەڵامی بڕیارەکەی دادگای باڵای فیدراڵی سەبارەت بە (نادەستوریی) کەرتی وزەی هەرێمی کوردستان دەداتەوە و دەڵێت کە ناتوانێت پشتگیری لە هەڵوێستی هەرێم بکات لەسەر وزە بەهۆی نەبوونی شەفافیەت لە چۆنیەتی بەڕێوەبردنی کەرتەکەدا. داوای رێککەوتن دەکات لە نێوان هەولێر و بەغداد.

Contact Us

Contact

information